首個半馬目標超額完成！ 時間 1:42:44~
雖然早已定下1:45:00 內既目標，
但因為感冒，成個星期無操，事前不存厚望。
加上對上一次青衣至屯門既半馬練習，
可能早段太快，係18k 左右爆了，
故此今次首要目標係均速完成整段賽事。
千其唔好要行返來咁樣衰就好～
21:30 執好書包就去訓，04:00 起身。
食完一個買定既漢堡飽加隻蕉，拉拉筋就出門口。
到場後寄存好行李，飲水，稍事熱身，去廁所，上線。
06:15 起步，頭3k 一如以往，
既未跑順又要避人，所以速度相對地慢。
3k 之後上返軌道，用返目標pacing 約4:50 左右前進。
雖然人多，但賽道相對地闊，所以很好跑。
基本上除左開頭幾公里外，全程雨未停過。
出到欣澳更有大風，除左保持速度外，
搵下高大既外藉跑手，跟係佢地後面，
搵佢地擋風遮雨，變成漫長賽事中既小趣味。
因為之前未跑過半馬比賽，
係無經驗亦未了解自己能力既情況下，
唯有當正係兩個10k 比賽咁跑。
同自己講只要keep住跑好頭10k，之後10k 就應該無問題～
係9k 水站位置前食左包咖啡味既 gel，幾好味幾refresh。
而頭10k 感覺良好，覺得跑得幾順，
呼吸無事，腳無事，除左大雨幾擾人之外，
個人整體感覺係認為可以順利達標。
所以10k 之後稍稀提速，希望取得更好時間。
入返迪欣湖只剩返少於1/3路程，而雨越落越大。
只好話俾自己聽就到就到，保持速度唔好慢但又唔好快。
根據之前擬定策略，因應體能情況，最後3k 再加速盡放。
當然18k 之後既所謂盡放，都係快唔過正常10k pacing。
可幸既係都仲放到。臨尾終點前又同旁邊仁兄爆個100m。
衝線後面口依然靚仔。
自己襟錶，時間1:42:44，avg pace 4:48
最重要係由配速到平均pacing 都做到賽前部署，甚喜～
以首個半馬黎講，滿意之極。
Training Result 25.11.2012 06:16
