2013年2月26日 星期二
Road to Marathon 2013 - 比賽日 （其之三）
21k 共用了 1:37:08，剛好是目標時間3:15:00 的一半，
算是一個相當理想的時間，均速也控制得還好。
自己作半程檢測, 狀態似乎不錯, 不算太辛苦,
整體也沒有什麼意外狀況。
人總會對未知的, 未曾經歷過的事情產生恐懼。
我未跑過全馬，對能否完成 42k 這長距總會患得患失.
不過在這之前, 我曾經跑過三次半馬,
而既然現在距離終點只餘下曾經多次完成的半馬路程,
心理上自然踏實得多, 膽子也隨之大了起來.
之前為了保留體力, 常常望錶控制速度,
半程後決定不再強行限速, 將基本速度稍稍提升至4:30/km.
又, 離開青馬橋時, 環視過四週情況,
我確定在那人來人往無遮無掩的大橋上, 我並沒有睥睨天下的勇氣.
22-25k 再次橫越青衣島，穿過長青隧道經南橋離開。
隧道內有一個國內大叔跟我一起跑了一段搭訕幾句。
大概是說跟我的速度跑得頗為舒服順暢。
我也用我蹩腳的國語跟他有一句沒一句的搭上, 不知他聽懂了沒有。
但至少我仍可以邊跑邊跟他講，
而且識得用國語而唔係同佢講英文，証明我神智仍然清醒。
在南橋上，我回望了一下我來回跑了不知多少次的青衣海傍，
那令我留下不少汗水的青衣北橋，以及練習主場青衣運動場。
從那裡走到這裡，我是有努力過的。
26k 開始踏上寬闊的青葵公路。
在多彎又寬闊的路段，看準前路cut 線入彎走內檔我覺得是最好玩的事。
感覺自己是在賽車一樣左片右片。
由於25k 處沒有水站，第二次Gel 補給亦推遲至26k。
27-29k 路況變化不大，大概是由麗景一路跑到荔枝角公園。
唯一問題是腳板底好像有點狀況，
要稍稍注意落腳，減慢了一點點速度去舒緩一下。
但整體上還是良好的。
30k 別人說是全馬路上的一個重要轉捩點，
高手會在30k 開始加速，練習不足的在這距離之後可能會撞牆。
而我，則什麼都不是。
既然半程已開始放任, 再提速是沒有本事的了，但又不覺得有脫力狀況。
不過 No news is good news~
只有一點令我在意的, 就是我並未如以往在25-30k 開始覺得肚餓.
我想, 除了今次多了頻密的能量補給外,
在過去一星期戒飯儲糖應該是有效而成功的.
如果以4:40/km 速度作基準，30k 完成時間該為2:20:00,
而我實際完成時間為2:18:16, 結果又情不自禁俾左個Like 自己.
告訴自己由這刻開始只要保持速度，不嚴重跌速，不撞牆，不受傷，
順利返回終點，就可以達標。315的信心又再強一點。
此時, 我從腰帶中取出一包 Gel 補給。
卻發現除了手上的一包外, 腰帶上只餘下最後一包!
什麼? 由 20k 至 42k, 每 5k 一包,
現在只是 30k, 不是應該還有兩包的嗎? 唔係中途趺左一包下嘛......
那一刻心中的惶恐, 就好似Mark 哥好型咁殺入楓林閣,
將近成功殺出重圍時, 卻發現花盤中自已放少左一排子彈一樣!
不過, 當稍為冷靜下來時就記起,
我最後一次補給應該在 35-36k, 之後就直到終點.
所以 30k 後只剩一包 Gel 是合理的. 擺了一個烏龍.
証明個人已經跑到傻下傻下矇矇地. 計下數又確係令人頭腦清醒返d.
31-33k 印象中是沉悶的，在那時候，身邊沒有人,
前後的人亦早已拉開, 而伙伴Calvin 應該在我身後面不遠處。
四下無人，只有默默地跑，腦海中唱下歌仔，
期待早點到達聞名已久既西隧。
34-35k 終於到達西隧。
之前坐車經過時，都會刻意留意下隧道內斜度及狀況。
老實說，其實不太斜，我覺得平時報導以訛傳訛的把他神化了誇張了。
進入隧道內跟長青隧道狀況差不多, 可能人不多, 未算太焗.
親身經驗並沒有什麼大不了就是。未有特別在意的就跑過了。
36k 是出西隧後一個髮夾彎上干諾道西天橋，這個有點斜度.
但還好並不算長，很快過。跑過大尾篤鹿頸的話，這裡不成問題。
然而我不敢心急，恐怕一急上斜會忽然扯爆，
反正有上必然有落，慢一點回一回落斜時再追回就好。
斜路上食埋最後一包Gel, 彈盡量絕，已無退路。
37k 步入中環港外線碼頭，展開市區最後 5k,
沿途多了人氣，也有各團體的啦啦隊打氣，
精神感覺良好，但肉體感覺開始覺得要捱。
左邊大腿內側有一點點抽筋跡象，我連忙放鬆跑姿舒緩。
而為了鼓勵自己，腦不斷回想之前跟班長，Peter 和良哥在運動場走的15k tempo 課，
過往我每每走到10k 也就開始覺得要捱，但每次只要堅持，都總會捱過.
所以, 絕．不．能．停．下．來！
38-39k 大腿抽筋狀況消退，餘下3200米，只是在運動場走八圈距離！
終點在望，鼓其餘勇，提速向終點邁進。
40k 只餘下2200米，想起之前練習過的2400米 interval。
那時是一練就5隻, 現在只是走最後一隻，無理由走唔晒,
即時勇氣大增, 精神一振。
41k 最後1200米，只是運動場走三圈距離。
上馬師道天橋時小腿有丁點抽筋，稍為拖慢了一點點，但很快被我擺平。
馬師道天橋是全馬和半馬的虎度門，
落橋後就要忘記之前種種，面對路旁眾多觀眾和相機, 豈容有失?
正所謂"無獎都要有相!", 落橋後, 就是Show Time~
決定盡情全力施為，向終點狂奔！
42.195k 在那最後的一段路上,
我用餘下最高的速度, 以及我認為最好最有型的跑姿,
一直逢人過人, 向終點狂奔.
在Sogo 的轉角處, 太太和哲哲正在為我打氣.
經過皇室堡時, 兩旁的觀眾大聲納喊,
我沿途舉手示意, 各式各樣既 pose, 應該chok 過林峰. XDDD
(可惜無人影到......)
進入維園最後二百米, 望見終點大鐘, 仍是 3:14:xx!
除左目標在望之外, 原來仍有希望突破 315!
於是拼盡餘下所有力量, 用最大的步頻步幅, 作最後短跑衝刺!
可惜最後仍爭數秒, 以official time 3:15:05 衝過終點.
抵達終點後, 並沒有事前幻想的煽情和激動, 只有興奮和高興.
那一刻, 我很快樂.
最終 net time 是 3:15:00, 竟然正正是 315!
一秒不多也一秒不少~ 準到無朋友.
以此完美時間, 超額完成我人生中第一場馬拉松賽事.
下年, 我可以進入精英運動員起步區, 慢慢上線了~
當然, 前設係, 要報到名~ XDDDDD
*********
洪松蔭話: "如果我50歲, 我過多10年, 60歲,
你諗下仲可唔可以跳跳紥紥? 我每一分每一秒都唔係必然."
雖然我未有耐 50, 不過點都過左青年時代, 開始會珍惜有活力既時間.
文藝腔一點來說, 中坑就是喜歡尋找青春的躁動~ XDDDDD
既然還能跑, 就跑吧! 跑到自己的最快為止.
由減肥到首馬, 由hea 跑到積極練習,
從跑步中我似乎找到了除了家庭和工作以外的個人寄托.
更重要是, 那是一個健康的興趣.
除了要多謝家豪, Anson, 雪姐等教練們, 以及一眾陪過我跑教過我既跑友,
特別係班長, Peter, 良哥, 龍哥, 大mic, 籮記, Terry, Benny, Henry, Yoyo.......
最重要既, 都係多謝太太, 容忍我中年幼稚的任性.
包容我或清晨或夜晚, 忽然從床邊消失走去練跑, 以及老遠帶哲哲來為我打氣!
長跑, 好多時就係響不能自控既不完美既情況下, 盡力去成就自己既最好.
那, 也是人生.
Training Result 24.02.2013 06:39
(-完-)
算是一個相當理想的時間，均速也控制得還好。
自己作半程檢測, 狀態似乎不錯, 不算太辛苦,
整體也沒有什麼意外狀況。
人總會對未知的, 未曾經歷過的事情產生恐懼。
我未跑過全馬，對能否完成 42k 這長距總會患得患失.
不過在這之前, 我曾經跑過三次半馬,
而既然現在距離終點只餘下曾經多次完成的半馬路程,
心理上自然踏實得多, 膽子也隨之大了起來.
之前為了保留體力, 常常望錶控制速度,
半程後決定不再強行限速, 將基本速度稍稍提升至4:30/km.
又, 離開青馬橋時, 環視過四週情況,
我確定在那人來人往無遮無掩的大橋上, 我並沒有睥睨天下的勇氣.
22-25k 再次橫越青衣島，穿過長青隧道經南橋離開。
隧道內有一個國內大叔跟我一起跑了一段搭訕幾句。
大概是說跟我的速度跑得頗為舒服順暢。
我也用我蹩腳的國語跟他有一句沒一句的搭上, 不知他聽懂了沒有。
但至少我仍可以邊跑邊跟他講，
而且識得用國語而唔係同佢講英文，証明我神智仍然清醒。
在南橋上，我回望了一下我來回跑了不知多少次的青衣海傍，
那令我留下不少汗水的青衣北橋，以及練習主場青衣運動場。
從那裡走到這裡，我是有努力過的。
26k 開始踏上寬闊的青葵公路。
在多彎又寬闊的路段，看準前路cut 線入彎走內檔我覺得是最好玩的事。
感覺自己是在賽車一樣左片右片。
由於25k 處沒有水站，第二次Gel 補給亦推遲至26k。
27-29k 路況變化不大，大概是由麗景一路跑到荔枝角公園。
唯一問題是腳板底好像有點狀況，
要稍稍注意落腳，減慢了一點點速度去舒緩一下。
但整體上還是良好的。
30k 別人說是全馬路上的一個重要轉捩點，
高手會在30k 開始加速，練習不足的在這距離之後可能會撞牆。
而我，則什麼都不是。
既然半程已開始放任, 再提速是沒有本事的了，但又不覺得有脫力狀況。
不過 No news is good news~
只有一點令我在意的, 就是我並未如以往在25-30k 開始覺得肚餓.
我想, 除了今次多了頻密的能量補給外,
在過去一星期戒飯儲糖應該是有效而成功的.
如果以4:40/km 速度作基準，30k 完成時間該為2:20:00,
而我實際完成時間為2:18:16, 結果又情不自禁俾左個Like 自己.
告訴自己由這刻開始只要保持速度，不嚴重跌速，不撞牆，不受傷，
順利返回終點，就可以達標。315的信心又再強一點。
此時, 我從腰帶中取出一包 Gel 補給。
卻發現除了手上的一包外, 腰帶上只餘下最後一包!
什麼? 由 20k 至 42k, 每 5k 一包,
現在只是 30k, 不是應該還有兩包的嗎? 唔係中途趺左一包下嘛......
那一刻心中的惶恐, 就好似Mark 哥好型咁殺入楓林閣,
將近成功殺出重圍時, 卻發現花盤中自已放少左一排子彈一樣!
不過, 當稍為冷靜下來時就記起,
我最後一次補給應該在 35-36k, 之後就直到終點.
所以 30k 後只剩一包 Gel 是合理的. 擺了一個烏龍.
証明個人已經跑到傻下傻下矇矇地. 計下數又確係令人頭腦清醒返d.
31-33k 印象中是沉悶的，在那時候，身邊沒有人,
前後的人亦早已拉開, 而伙伴Calvin 應該在我身後面不遠處。
四下無人，只有默默地跑，腦海中唱下歌仔，
期待早點到達聞名已久既西隧。
34-35k 終於到達西隧。
之前坐車經過時，都會刻意留意下隧道內斜度及狀況。
老實說，其實不太斜，我覺得平時報導以訛傳訛的把他神化了誇張了。
進入隧道內跟長青隧道狀況差不多, 可能人不多, 未算太焗.
親身經驗並沒有什麼大不了就是。未有特別在意的就跑過了。
36k 是出西隧後一個髮夾彎上干諾道西天橋，這個有點斜度.
但還好並不算長，很快過。跑過大尾篤鹿頸的話，這裡不成問題。
然而我不敢心急，恐怕一急上斜會忽然扯爆，
反正有上必然有落，慢一點回一回落斜時再追回就好。
斜路上食埋最後一包Gel, 彈盡量絕，已無退路。
37k 步入中環港外線碼頭，展開市區最後 5k,
沿途多了人氣，也有各團體的啦啦隊打氣，
精神感覺良好，但肉體感覺開始覺得要捱。
左邊大腿內側有一點點抽筋跡象，我連忙放鬆跑姿舒緩。
而為了鼓勵自己，腦不斷回想之前跟班長，Peter 和良哥在運動場走的15k tempo 課，
過往我每每走到10k 也就開始覺得要捱，但每次只要堅持，都總會捱過.
所以, 絕．不．能．停．下．來！
38-39k 大腿抽筋狀況消退，餘下3200米，只是在運動場走八圈距離！
終點在望，鼓其餘勇，提速向終點邁進。
40k 只餘下2200米，想起之前練習過的2400米 interval。
那時是一練就5隻, 現在只是走最後一隻，無理由走唔晒,
即時勇氣大增, 精神一振。
41k 最後1200米，只是運動場走三圈距離。
上馬師道天橋時小腿有丁點抽筋，稍為拖慢了一點點，但很快被我擺平。
馬師道天橋是全馬和半馬的虎度門，
落橋後就要忘記之前種種，面對路旁眾多觀眾和相機, 豈容有失?
正所謂"無獎都要有相!", 落橋後, 就是Show Time~
決定盡情全力施為，向終點狂奔！
42.195k 在那最後的一段路上,
我用餘下最高的速度, 以及我認為最好最有型的跑姿,
一直逢人過人, 向終點狂奔.
在Sogo 的轉角處, 太太和哲哲正在為我打氣.
經過皇室堡時, 兩旁的觀眾大聲納喊,
我沿途舉手示意, 各式各樣既 pose, 應該chok 過林峰. XDDD
(可惜無人影到......)
進入維園最後二百米, 望見終點大鐘, 仍是 3:14:xx!
除左目標在望之外, 原來仍有希望突破 315!
於是拼盡餘下所有力量, 用最大的步頻步幅, 作最後短跑衝刺!
可惜最後仍爭數秒, 以official time 3:15:05 衝過終點.
抵達終點後, 並沒有事前幻想的煽情和激動, 只有興奮和高興.
那一刻, 我很快樂.
最終 net time 是 3:15:00, 竟然正正是 315!
一秒不多也一秒不少~ 準到無朋友.
以此完美時間, 超額完成我人生中第一場馬拉松賽事.
下年, 我可以進入精英運動員起步區, 慢慢上線了~
當然, 前設係, 要報到名~ XDDDDD
*********
洪松蔭話: "如果我50歲, 我過多10年, 60歲,
你諗下仲可唔可以跳跳紥紥? 我每一分每一秒都唔係必然."
雖然我未有耐 50, 不過點都過左青年時代, 開始會珍惜有活力既時間.
文藝腔一點來說, 中坑就是喜歡尋找青春的躁動~ XDDDDD
既然還能跑, 就跑吧! 跑到自己的最快為止.
由減肥到首馬, 由hea 跑到積極練習,
從跑步中我似乎找到了除了家庭和工作以外的個人寄托.
更重要是, 那是一個健康的興趣.
除了要多謝家豪, Anson, 雪姐等教練們, 以及一眾陪過我跑教過我既跑友,
特別係班長, Peter, 良哥, 龍哥, 大mic, 籮記, Terry, Benny, Henry, Yoyo.......
最重要既, 都係多謝太太, 容忍我中年幼稚的任性.
包容我或清晨或夜晚, 忽然從床邊消失走去練跑, 以及老遠帶哲哲來為我打氣!
長跑, 好多時就係響不能自控既不完美既情況下, 盡力去成就自己既最好.
那, 也是人生.
Training Result 24.02.2013 06:39
(-完-)
2013年2月25日 星期一
Road to Marathon 2013 - 比賽日 （其之二）
在我暗暗地在心中許下投名狀之後不久,
隨著一眾本地跑手對主持起步禮的梁特首報以熱烈的噓聲後,
六點四十分, 大家準時開跑!
起步果一刻, 覺得自己終於展開 42.195km 既奇幻旅程,
從全馬既起跑線向終點進發. 心情確實係有點感動又激動。
一年之前, 我10k 只能以 1:02:36 完成.
而當我知道, 在公司內坐在我背後那看似弱不禁風的小妹妹,
在10k 賽事中都能跑進一小時內既時候,
1:02:36 這成績, 對於曾經(即係廿年前~) 活躍田徑的我,
實在覺得有點難為情......
有了孩子以後, 基本上什麼運動也沒有了.
至少需要隊友和對手的球類運動不行. 因為時間難以相就.
那時只希望可以跑步減肥, 兼且練到 10k 可以跑到 45分內.
哪有想過我可以狠到三個月一口氣減掉30磅, 兼且一年之後參加全馬賽事.
所以, 有時, 本來平素懶洋洋的中年男士, 一旦發起狠來,
可以係非同小可的......
起步初期，我因為惆悵於何時何地方便而心不在焉，
雖然早已聽聞在青馬大橋上一眾男健兒能夠順應大自然既呼喚，
在橋上盡情解放而又唔會俾警察拉,
我亦好想一嘗作出如此睥睨天下既壯舉。
然而要忍足15k 同時又要保持4:40/km 既目標速度，實在強人所難，
可恨比賽初段沿途又未有流動廁所，
一時苦無良策，唯有銜枚疾走。
由於既分神又不敢邁步, 站在起跑區較後的同伴們開始慢慢的追上來了.
記憶中路上分別遇到了Peter，大Mic 和 Yoyo, 更和 Yoyo 一起跑了一段。
在路上遇見了同伴是一件感覺十分良好的事.
雖然百分之九十以上既時間都係一個人在跑.
但只要知道朋友們都在同一賽道上,
又或者望見前方, 知道後來都有隊友, 感覺總是沒有那麼孤獨.
去到剛剛第 2k, 差不多上西九龍公路前既位置，
我離遠見到非常多人忽然離開大隊，走到左手邊種滿樹木的小斜坡。
係果一刻，我知道我渴望已久既機會已到了！
於是我提速前進, 在小丘上某樹旁找到一個有利位置,
以最快速度, 來個盡情解放.
我清楚記得, 路邊還傳來大Mic (我看不到, 但應該是他) 的大叫: Matthew~ 去得暢快d~
而我則以非常堅定既語氣, 大聲地回了一句: 我會~!
大概方圓 30m 內既跑友, 都很清楚我的決心! XDDDD
事後我參考GPS 手錶紀錄, 這泡尿，我共花了28秒。
我想, 這世上除了長跑跑手，
應該很少人會關心並紀錄低一泡尿花了多少時間，並且會事後翻查。
翌日蘋果日報亦將該小丘上的壯觀情景拍下來見報. 還好, 我並不在內.
而我夠膽講, 作為一個男性, 在全程42.195公里的路途上,
並沒有一個地方比那小丘更方便, 隱密而自然.
清除了個人不安因素之後, 果然整個人都輕省多了, 可以專心速度向終點進發.
因為個人目標時間為 3:15:00, 賽前擬定前段會以 4:40/km 為基本速度.
3-5k 在西九公路上速度均能平穩地保持著. 我主要靠自己每1k 手動計時.
只要速度正確, 都會讚自己一句 good job/ well done, 自我鼓勵一番.
6-7k 開始上昂船洲大橋, 不算太斜, 卻很大風, 有點冷.
上斜速度稍慢, 但告訴自己不要心急, 有上總會有落, 落斜時自然會追回時間.
8-10k 開始落斜並進入長青隧道. 速度不其然提升至 4:23/km, 話俾自己聽已經完成了1/4.
11k 在長青隧道內, 並開始微微上斜, 隧道內GPS 收不到signal, 只能憑感覺去跑.
只要不過快或過慢就好. 第一次跑行車隧道, 感覺不太壞, 但也絕不算好,
沒有風景燈光又暗, 空氣比較悶, 好想快d 跑出去. 事後知道速度為 4:50/km
12k 出了隧道, 豁然開朗, 開始轉上青嶼幹線. 空氣較好又有GPS協助測速.
稍稍提速至 4:45/km, 以免偏離目標速度太遠.
13-21k 我都在青嶼幹線以及汀九橋上奔馳. 見識了出名爛的馬路.
原來是真的, 路很爛, 把我的前腳掌扎得很痛.
因為害怕再次弄傷左前掌的舊患. 要就住落腳來跑.
在13k 開始我遇上了今次全馬的重要伙伴Calvin.
往後的30公里, 我們都或前或後的一起跑.
跟據事前擬定, 在每個水站我都會飲水,
如水站有isotone 提供的話, 我都會順手拿來飲兩啖,
我記得上年跑完10k 後, 贈品內有一包 Isotone,
飲過覺得幾好飲, 之後係便利店及超市均未見有出售.
原來此電解質飲品係街係買唔到既~
所以基本上一年只有呢個機會飲一次~ 可謂機會難逢.
今次飲返先記得原來係有少少薄荷同梅味~ XDDDD
Gel 方面依龍哥建議, 起步前先食一包, 之後在20k 開始, 每5k 就補充一包.
經過了在汀九橋上的第三個轉折點, 我就作了第一次補給.
第一次補給完後, 就標誌著我已跑過半程, 再也沒有轉折點, 向終點直奔......
隨著一眾本地跑手對主持起步禮的梁特首報以熱烈的噓聲後,
六點四十分, 大家準時開跑!
起步果一刻, 覺得自己終於展開 42.195km 既奇幻旅程,
從全馬既起跑線向終點進發. 心情確實係有點感動又激動。
一年之前, 我10k 只能以 1:02:36 完成.
而當我知道, 在公司內坐在我背後那看似弱不禁風的小妹妹,
在10k 賽事中都能跑進一小時內既時候,
1:02:36 這成績, 對於曾經(即係廿年前~) 活躍田徑的我,
實在覺得有點難為情......
有了孩子以後, 基本上什麼運動也沒有了.
至少需要隊友和對手的球類運動不行. 因為時間難以相就.
那時只希望可以跑步減肥, 兼且練到 10k 可以跑到 45分內.
哪有想過我可以狠到三個月一口氣減掉30磅, 兼且一年之後參加全馬賽事.
所以, 有時, 本來平素懶洋洋的中年男士, 一旦發起狠來,
可以係非同小可的......
起步初期，我因為惆悵於何時何地方便而心不在焉，
雖然早已聽聞在青馬大橋上一眾男健兒能夠順應大自然既呼喚，
在橋上盡情解放而又唔會俾警察拉,
我亦好想一嘗作出如此睥睨天下既壯舉。
然而要忍足15k 同時又要保持4:40/km 既目標速度，實在強人所難，
可恨比賽初段沿途又未有流動廁所，
一時苦無良策，唯有銜枚疾走。
由於既分神又不敢邁步, 站在起跑區較後的同伴們開始慢慢的追上來了.
記憶中路上分別遇到了Peter，大Mic 和 Yoyo, 更和 Yoyo 一起跑了一段。
在路上遇見了同伴是一件感覺十分良好的事.
雖然百分之九十以上既時間都係一個人在跑.
但只要知道朋友們都在同一賽道上,
又或者望見前方, 知道後來都有隊友, 感覺總是沒有那麼孤獨.
去到剛剛第 2k, 差不多上西九龍公路前既位置，
我離遠見到非常多人忽然離開大隊，走到左手邊種滿樹木的小斜坡。
係果一刻，我知道我渴望已久既機會已到了！
於是我提速前進, 在小丘上某樹旁找到一個有利位置,
以最快速度, 來個盡情解放.
我清楚記得, 路邊還傳來大Mic (我看不到, 但應該是他) 的大叫: Matthew~ 去得暢快d~
而我則以非常堅定既語氣, 大聲地回了一句: 我會~!
大概方圓 30m 內既跑友, 都很清楚我的決心! XDDDD
事後我參考GPS 手錶紀錄, 這泡尿，我共花了28秒。
我想, 這世上除了長跑跑手，
應該很少人會關心並紀錄低一泡尿花了多少時間，並且會事後翻查。
翌日蘋果日報亦將該小丘上的壯觀情景拍下來見報. 還好, 我並不在內.
而我夠膽講, 作為一個男性, 在全程42.195公里的路途上,
並沒有一個地方比那小丘更方便, 隱密而自然.
清除了個人不安因素之後, 果然整個人都輕省多了, 可以專心速度向終點進發.
因為個人目標時間為 3:15:00, 賽前擬定前段會以 4:40/km 為基本速度.
3-5k 在西九公路上速度均能平穩地保持著. 我主要靠自己每1k 手動計時.
只要速度正確, 都會讚自己一句 good job/ well done, 自我鼓勵一番.
6-7k 開始上昂船洲大橋, 不算太斜, 卻很大風, 有點冷.
上斜速度稍慢, 但告訴自己不要心急, 有上總會有落, 落斜時自然會追回時間.
8-10k 開始落斜並進入長青隧道. 速度不其然提升至 4:23/km, 話俾自己聽已經完成了1/4.
11k 在長青隧道內, 並開始微微上斜, 隧道內GPS 收不到signal, 只能憑感覺去跑.
只要不過快或過慢就好. 第一次跑行車隧道, 感覺不太壞, 但也絕不算好,
沒有風景燈光又暗, 空氣比較悶, 好想快d 跑出去. 事後知道速度為 4:50/km
12k 出了隧道, 豁然開朗, 開始轉上青嶼幹線. 空氣較好又有GPS協助測速.
稍稍提速至 4:45/km, 以免偏離目標速度太遠.
13-21k 我都在青嶼幹線以及汀九橋上奔馳. 見識了出名爛的馬路.
原來是真的, 路很爛, 把我的前腳掌扎得很痛.
因為害怕再次弄傷左前掌的舊患. 要就住落腳來跑.
在13k 開始我遇上了今次全馬的重要伙伴Calvin.
往後的30公里, 我們都或前或後的一起跑.
跟據事前擬定, 在每個水站我都會飲水,
如水站有isotone 提供的話, 我都會順手拿來飲兩啖,
我記得上年跑完10k 後, 贈品內有一包 Isotone,
飲過覺得幾好飲, 之後係便利店及超市均未見有出售.
原來此電解質飲品係街係買唔到既~
所以基本上一年只有呢個機會飲一次~ 可謂機會難逢.
今次飲返先記得原來係有少少薄荷同梅味~ XDDDD
Gel 方面依龍哥建議, 起步前先食一包, 之後在20k 開始, 每5k 就補充一包.
經過了在汀九橋上的第三個轉折點, 我就作了第一次補給.
第一次補給完後, 就標誌著我已跑過半程, 再也沒有轉折點, 向終點直奔......
(待續)
2013年2月24日 星期日
Road to Marathon 2013 - 比賽日 （其之一）
話說之前明明好地地, 比賽前夕出完一個上午街,
成個人身慶慶地咁唔多妥. 仲標冷汗!
我都唔知咩事, 難得我準備得咁好, 唔通個天都唔鐘意我?
心中慌亂, 於是藥石亂投.
結果成晚共食左兩粒 1000mg 維他命c, 飲左三杯檸檬熱飲.
以及四大支屈臣氏蒸餾水. 夜晚仲著住外套訓.
當晚自然睡得不好, 十點鐘才睡著兩點半醒, 一直就不能合眼.
還好身體情況有好轉, 至少沒有不適感覺. 似乎狂灌水是有效的.
反正睡不著, 三點起床梳洗, 拉拉筋, 然後作最後加碳.
我諗我咁大個仔, 真係未試過只用豉油撈白飯,
結果仍吞下兩碗半, 都幾好味~ 如果有豬油應該風味更佳。
四點鐘到地鐘站, 感覺上沒上年多人.
可能因為上年我參加10k, 而絕大部份10k 參賽者已坐第一班地鐵過海了.
半馬和全馬的人較少, 車站也比較冷清一點.
我罕有地戴上耳筒, 聽著我的"發現號", 作最後自我洗腦.
一年前，在同一月台上, 我自已揹住鮮紅色的10k 挑戰組膠袋去參賽,
第一次跑10k 的我混在一眾半馬全馬好手當中，已經覺得分外不好意思，
而那鮮紅色膠袋卻又特別搶眼得可惡, 好似叫人要份外留意我呢個P牌仔一樣.
果陣時覺得揹住黑色全馬挑戰組既師兄們份外低調而有型.
一年之後既今日，到我揹住黑色膠袋出戰, 覺得份外虛榮.
頗有衣錦還鄉之感，最重要係覺得自己一樣有型~ XD
到達尖沙咀, 一上地面已見不少人在彌敦道來回跑熱身, 即時熱血上湧!
與跑會隊友集合後, 即時換衫熱身.
之前一晚飲太多水既結果就係要去廁所,
人很多廁所太少, 去一次至少要排十分鐘.
回到集合點隊友已四散.
其實我去邊度寄行李又唔知, 幾時上線又唔知.
忽然無晒d 盲公竹, 有d 惶恐.
最終都係將背囊交給沒有參賽的班長代為寄存,
然後獨自上線.
上線前, 班長再三叮嚀千萬唔好過份衝動, 要勒住自已頭半程不能超速.
過去幾個月既操練和長課中, 班長教左我好多, 十分感激~
而佢話我做得到的, 絕大多數都真係我能做到的.
所以, 佢說話我一直非常信任, 牢牢記住了~
六時上線, 六點四十分才起步, 即係要呆等四十分鐘,
本來不算難過, 最慘就係飲水太多又想小解卻又不能離開.
係果一刻, 我非常後悔我用來擋風的是又貴又透明的便利雨衣,
而不是又便宜又全黑的垃圾袋.
如果是密不透光的垃圾袋, 我就可以任意在內, 為所欲為......
正當我係起跑線最前端，好用力將精神集中係控制膀胱既肌肉既時候，
但見成大班精英運動員係我面前既精英起號區處煜煜揚揚跑來跑去拉筋熱身,
仲可以起跑10分鐘前先慢慢上線兼且排得前過你！
係果一刻，我就決定今次一定要跑進 330內, 下年進入精英運動員區。
我一定唔要再忍住尿咁等起跑!!
(待續)
成個人身慶慶地咁唔多妥. 仲標冷汗!
我都唔知咩事, 難得我準備得咁好, 唔通個天都唔鐘意我?
心中慌亂, 於是藥石亂投.
結果成晚共食左兩粒 1000mg 維他命c, 飲左三杯檸檬熱飲.
以及四大支屈臣氏蒸餾水. 夜晚仲著住外套訓.
當晚自然睡得不好, 十點鐘才睡著兩點半醒, 一直就不能合眼.
還好身體情況有好轉, 至少沒有不適感覺. 似乎狂灌水是有效的.
反正睡不著, 三點起床梳洗, 拉拉筋, 然後作最後加碳.
我諗我咁大個仔, 真係未試過只用豉油撈白飯,
結果仍吞下兩碗半, 都幾好味~ 如果有豬油應該風味更佳。
四點鐘到地鐘站, 感覺上沒上年多人.
可能因為上年我參加10k, 而絕大部份10k 參賽者已坐第一班地鐵過海了.
半馬和全馬的人較少, 車站也比較冷清一點.
我罕有地戴上耳筒, 聽著我的"發現號", 作最後自我洗腦.
一年前，在同一月台上, 我自已揹住鮮紅色的10k 挑戰組膠袋去參賽,
第一次跑10k 的我混在一眾半馬全馬好手當中，已經覺得分外不好意思，
而那鮮紅色膠袋卻又特別搶眼得可惡, 好似叫人要份外留意我呢個P牌仔一樣.
果陣時覺得揹住黑色全馬挑戰組既師兄們份外低調而有型.
一年之後既今日，到我揹住黑色膠袋出戰, 覺得份外虛榮.
頗有衣錦還鄉之感，最重要係覺得自己一樣有型~ XD
到達尖沙咀, 一上地面已見不少人在彌敦道來回跑熱身, 即時熱血上湧!
與跑會隊友集合後, 即時換衫熱身.
之前一晚飲太多水既結果就係要去廁所,
人很多廁所太少, 去一次至少要排十分鐘.
回到集合點隊友已四散.
其實我去邊度寄行李又唔知, 幾時上線又唔知.
忽然無晒d 盲公竹, 有d 惶恐.
最終都係將背囊交給沒有參賽的班長代為寄存,
然後獨自上線.
上線前, 班長再三叮嚀千萬唔好過份衝動, 要勒住自已頭半程不能超速.
過去幾個月既操練和長課中, 班長教左我好多, 十分感激~
而佢話我做得到的, 絕大多數都真係我能做到的.
所以, 佢說話我一直非常信任, 牢牢記住了~
六時上線, 六點四十分才起步, 即係要呆等四十分鐘,
本來不算難過, 最慘就係飲水太多又想小解卻又不能離開.
係果一刻, 我非常後悔我用來擋風的是又貴又透明的便利雨衣,
而不是又便宜又全黑的垃圾袋.
如果是密不透光的垃圾袋, 我就可以任意在內, 為所欲為......
正當我係起跑線最前端，好用力將精神集中係控制膀胱既肌肉既時候，
但見成大班精英運動員係我面前既精英起號區處煜煜揚揚跑來跑去拉筋熱身,
仲可以起跑10分鐘前先慢慢上線兼且排得前過你！
係果一刻，我就決定今次一定要跑進 330內, 下年進入精英運動員區。
我一定唔要再忍住尿咁等起跑!!
(待續)
2013年2月23日 星期六
Road to Marathon 2013 - 主題曲
即係咁，今日同阿仔出完街，個人慶慶地好似有d 唔妥。
下午返屋企隊左兩杯檸檬熱飲，再不停狂隊水。
練又練左，野又執左，碳又加左，都無野可以做了。
唯有安心休息，總之家下不停出汗。
雖然唔知得唔得，但係，都要話俾自已聽，無事既。
所以，聽日，一定無問題，家下係因為幾日無得跑而唔舒服啫～
由報左全馬開始，練跑好多時個腦就loop 住呢首歌。
久而久之，就覺得呢首歌係今次2013年馬拉松既個人主題曲。
今晚再聽，頗有感觸。
聽日42.195km, 大概會係心中不停地唱。
幻想聽日，如果我有幸準時衝線，
踏上最後二百米藍綠色的賽道上，諗起首歌最尾一段：
" 撞碎了冰山 衝過了急灣 登上完夢的峽灣
望到了 望到了 白雲搭上一片藍
記載了凶險 傷勢也不淺 腳踏這裡這一天
歷史中結算 一心走出錯地點 幹下遠征一遍"
相信，我係鐵定會喊既。到時麻煩大家擰歪面～
當然，有得喊，都係好事～
各位聽日會跑既朋友，搏盡！ 終。點。見。
下午返屋企隊左兩杯檸檬熱飲，再不停狂隊水。
練又練左，野又執左，碳又加左，都無野可以做了。
唯有安心休息，總之家下不停出汗。
雖然唔知得唔得，但係，都要話俾自已聽，無事既。
所以，聽日，一定無問題，家下係因為幾日無得跑而唔舒服啫～
由報左全馬開始，練跑好多時個腦就loop 住呢首歌。
久而久之，就覺得呢首歌係今次2013年馬拉松既個人主題曲。
今晚再聽，頗有感觸。
聽日42.195km, 大概會係心中不停地唱。
幻想聽日，如果我有幸準時衝線，
踏上最後二百米藍綠色的賽道上，諗起首歌最尾一段：
" 撞碎了冰山 衝過了急灣 登上完夢的峽灣
望到了 望到了 白雲搭上一片藍
記載了凶險 傷勢也不淺 腳踏這裡這一天
歷史中結算 一心走出錯地點 幹下遠征一遍"
相信，我係鐵定會喊既。到時麻煩大家擰歪面～
當然，有得喊，都係好事～
各位聽日會跑既朋友，搏盡！ 終。點。見。
2013年2月18日 星期一
Road to Marathon 2013 - 戒碳加碳
進入最後一星期, 開始進入最後準備階段. 就係玩 Carbo-loading
我覺得戒碳係成個全馬中, 其中一樣我覺得最好玩, 最想體驗的事.
第一日唔食飯, 體力上無太大問題, 但成日覺得唔舒服.
有點頭痛, 又有點作病的感覺.
而原來戒碳最令人難過既並唔係肚餓，而係緣自低血糖而產生既頭痛.....
三日戒碳, 晚餐比較易辦, 我特別為自己準備了一件靚扒分兩晚係屋企食.
至於午餐就搞笑了, 試過一人去家鄉雞食左五件雞去皮.
而原來, 去皮後的家鄉雞, 係食五件都仲係會肚餓的........
其實, 我算是愛飯的人, 至少飲早茶我最愛是吃盅頭飯.
戒飯的最後一天晚上, 因為想快d 消除低血糖既不適,
我決定聽日食早餐之前，先去隊一盅鳳爪排骨飯......
第二天一早, 起身晨運~ 決定 jog 住等早餐前既排骨飯出籠~
Jog 到七點半, 去到唐記飽點, 想買飯.
結果, 灰到了盡頭……
最終, 還是沒有飯吃, 只能到大家樂吃早餐......
http://runkeeper.com/user/pppmmm/activity/150939577?&tripIdBase36=2hv5q1
我覺得戒碳係成個全馬中, 其中一樣我覺得最好玩, 最想體驗的事.
第一日唔食飯, 體力上無太大問題, 但成日覺得唔舒服.
有點頭痛, 又有點作病的感覺.
而原來戒碳最令人難過既並唔係肚餓，而係緣自低血糖而產生既頭痛.....
至於午餐就搞笑了, 試過一人去家鄉雞食左五件雞去皮.
而原來, 去皮後的家鄉雞, 係食五件都仲係會肚餓的........
其實, 我算是愛飯的人, 至少飲早茶我最愛是吃盅頭飯.
戒飯的最後一天晚上, 因為想快d 消除低血糖既不適,
我決定聽日食早餐之前，先去隊一盅鳳爪排骨飯......
第二天一早, 起身晨運~ 決定 jog 住等早餐前既排骨飯出籠~
Jog 到七點半, 去到唐記飽點, 想買飯.
結果, 灰到了盡頭……
最終, 還是沒有飯吃, 只能到大家樂吃早餐......
http://runkeeper.com/user/pppmmm/activity/150939577?&tripIdBase36=2hv5q1
2013年2月15日 星期五
Road to Marathon 2013 - 十日倒數
情人節無跟操，翌日晚上阿仔早睡，可以自已落場跟返program 練。
5k／3k／3k，頭隻稍慢於半馬速，二三隻半馬速，間休2:00。
到場時間稍晚，應該唔夠時間係場中走晒三隻，
稍為拉一拉筋，未有太多熱身就即時起動。
休息一天後似乎回復得唔錯，感覺狀態良好。
結果太衝勁，本來半馬速約為1:45一圈, 結果第一圈走成 1:37.......
於是稍為收慢，之後又不自覺地快，然後又收返，再又不自覺地快……
後來都唔理，自由奔跑，結果拉均頭5k 每圈都少於1:45。
第二隻擺了個烏龍，走少了一圈，只得2.6K，平均仍然少於1:45一圈。
之後運動場關門，餘下一隻走運動場新公園來回，
共約4k，就當係補返條數。
最後一隻因為是路跑，沒有圈速計，只能靠感覺同睇錶，
比較近似比賽當日狀況。個人覺得頗有參考價值。
我以不太辛苦的速度順去。最後以平均4:30/km 走完。
基於呢個小小實驗，對於以 4:40/km 作為馬速既狀況心裡有個底，
亦覺得狀態不俗，多了點信心。
星期日搵時間走一轉20k 長課，就正式收操。
Training Result 15.02.2013 21:49
5k／3k／3k，頭隻稍慢於半馬速，二三隻半馬速，間休2:00。
到場時間稍晚，應該唔夠時間係場中走晒三隻，
稍為拉一拉筋，未有太多熱身就即時起動。
休息一天後似乎回復得唔錯，感覺狀態良好。
結果太衝勁，本來半馬速約為1:45一圈, 結果第一圈走成 1:37.......
於是稍為收慢，之後又不自覺地快，然後又收返，再又不自覺地快……
後來都唔理，自由奔跑，結果拉均頭5k 每圈都少於1:45。
第二隻擺了個烏龍，走少了一圈，只得2.6K，平均仍然少於1:45一圈。
之後運動場關門，餘下一隻走運動場新公園來回，
共約4k，就當係補返條數。
最後一隻因為是路跑，沒有圈速計，只能靠感覺同睇錶，
比較近似比賽當日狀況。個人覺得頗有參考價值。
我以不太辛苦的速度順去。最後以平均4:30/km 走完。
基於呢個小小實驗，對於以 4:40/km 作為馬速既狀況心裡有個底，
亦覺得狀態不俗，多了點信心。
星期日搵時間走一轉20k 長課，就正式收操。
Training Result 15.02.2013 21:49
2013年2月13日 星期三
Road to Marathon 2013 - 尋找MP
因為中午要去拜年, 無法跟操.
唯有夜晚回家後一友落場自轉.
據班長提示, 應走12k 約 4:30-4:40/km, 即係 1:48-1:52 一圈.
21:45落場即走, 狀態仍然麻麻, 大腿乏力, 但我視為好事.
而家乏力, 即係可以專心調節, 低位搏反彈~
12k 流流長, 夜媽媽個場靜英英又大風, 悶就悶d,
但一條友無人陪無人跟又無人趕, 就可以試下呢樣試下果樣.
例如試下改下個form, 諗下點跑好.
估算一下時間, 以及搵下自已既馬拉松速度.
據近來既練習狀態, 半馬往續以及各種不同方法換算.
我估計今次首馬, 如果沒有過份的意外狀況,
330 以內(5:00/km) 應該是穩陣的.
若以美津濃半馬成績估算, 理論上應該可以 316-320 (4:39-4:44/km) 左右,
以最理想情況計, 目標 MP 最好就係 4:40/km, 咁就316 左右抵達~
如果真係得就美滿到極~
但因為係首馬關係, 而且個人覺得末段耐力麻麻,
加上減磅未能成功, 本來諗住可以減到150磅,
家陣唔計新年回彈, 計埋遲下加炭, 可以155磅出戰都好叻.
故此都係穩陣d 以下限320 為基本目標.
以平時tempo 跑速約為 1:45 一圈, 即係 4:23/km 計,
估計用 4:44/km 左右去走頭20k, 應該可以令頭半程不至於太辛苦.
後半以至30k 打後就睇情況, 可以既就稍為提速至目標 MP 4:40/km
如此, 就可以 318 左右回到終點.
就係咁, 不斷來來回回地計算, 又試下快試下慢,
搵下唔同速度既感覺, 就跑完 12k.
總的來說大部份圈速都係偏快左.
事後雖然唔算好辛苦, 但對腳都仲係酸.
決定第二日都係著compression tight 開工.
跑完再鬆多 2k, 剛好運動場關門~
唯有夜晚回家後一友落場自轉.
據班長提示, 應走12k 約 4:30-4:40/km, 即係 1:48-1:52 一圈.
21:45落場即走, 狀態仍然麻麻, 大腿乏力, 但我視為好事.
而家乏力, 即係可以專心調節, 低位搏反彈~
12k 流流長, 夜媽媽個場靜英英又大風, 悶就悶d,
但一條友無人陪無人跟又無人趕, 就可以試下呢樣試下果樣.
例如試下改下個form, 諗下點跑好.
估算一下時間, 以及搵下自已既馬拉松速度.
據近來既練習狀態, 半馬往續以及各種不同方法換算.
我估計今次首馬, 如果沒有過份的意外狀況,
330 以內(5:00/km) 應該是穩陣的.
若以美津濃半馬成績估算, 理論上應該可以 316-320 (4:39-4:44/km) 左右,
以最理想情況計, 目標 MP 最好就係 4:40/km, 咁就316 左右抵達~
如果真係得就美滿到極~
但因為係首馬關係, 而且個人覺得末段耐力麻麻,
加上減磅未能成功, 本來諗住可以減到150磅,
家陣唔計新年回彈, 計埋遲下加炭, 可以155磅出戰都好叻.
故此都係穩陣d 以下限320 為基本目標.
以平時tempo 跑速約為 1:45 一圈, 即係 4:23/km 計,
估計用 4:44/km 左右去走頭20k, 應該可以令頭半程不至於太辛苦.
後半以至30k 打後就睇情況, 可以既就稍為提速至目標 MP 4:40/km
如此, 就可以 318 左右回到終點.
就係咁, 不斷來來回回地計算, 又試下快試下慢,
搵下唔同速度既感覺, 就跑完 12k.
總的來說大部份圈速都係偏快左.
事後雖然唔算好辛苦, 但對腳都仲係酸.
決定第二日都係著compression tight 開工.
跑完再鬆多 2k, 剛好運動場關門~
2013年2月12日 星期二
Road to Marathon 2013 - 初三開跑
初一初二因技術性需要不斷食食食.
已經多食菜少食肉, 耐何少因少左輸出, 仍少不免多幾磅.
雖然叫做無跑兩日, 但抱住阿仔走來走去拜年, 其實都無咩抖過.
初三點都要開一開年, 至少, 要消咁d 脂.
但運動場未開, 於是走返舊路, 青衣細圈過橋.
理論上今次應該跑個tempo,
結果因為個人都未回魂, 加上個人濟濟地,
總係覺得成個人都重左, 好似跑唔郁咁.
慢到連MP 都不是.
今次著左Tarther Blitz 去跑, 感受一下狀況,
比賽都會用佢, 但始終未試過著佢跑咁長,
希望早d 著下跑街適應下.
好好醜醜都叫用13k 開左個年~
已經多食菜少食肉, 耐何少因少左輸出, 仍少不免多幾磅.
雖然叫做無跑兩日, 但抱住阿仔走來走去拜年, 其實都無咩抖過.
初三點都要開一開年, 至少, 要消咁d 脂.
但運動場未開, 於是走返舊路, 青衣細圈過橋.
理論上今次應該跑個tempo,
結果因為個人都未回魂, 加上個人濟濟地,
總係覺得成個人都重左, 好似跑唔郁咁.
慢到連MP 都不是.
今次著左Tarther Blitz 去跑, 感受一下狀況,
比賽都會用佢, 但始終未試過著佢跑咁長,
希望早d 著下跑街適應下.
好好醜醜都叫用13k 開左個年~
2013年2月9日 星期六
Road to Marathon 2013 - 終極長課
全馬前最長一課～ 熱身2.4k,
沙田運動場＞大圍＞梅子林＞科學園＞大埔＞科學園＞梅子林＞沙田運動場，37k
合共39.4K
睇返心跳，幾乎七成係zone 3 得一成zone 4，
比起上次33k 只有三成zone 3 而有六成zone 4，顯得今次好似好唔上力。
可能係上星期熱d 辛苦d，亦可能係今次真係 hea 左d，因為真係倦。
今日全程只飲左兩次水、30k 第二次上梅子林前食左一包gel。
早上出發前食左盅排骨飯做早餐，証實左食個飯先去跑對表現係有幫助。
起碼今次跑左30k 先開始肚餓。平時26k 至27k 已經無能量了。
長課做齊，近40k 都跑過，都無咩野需要擔心。
餘下既就係好好恢復，以及為自己定一個合理目標時間。
Training Result 09.02.2013 08:30
沙田運動場＞大圍＞梅子林＞科學園＞大埔＞科學園＞梅子林＞沙田運動場，37k
合共39.4K
睇返心跳，幾乎七成係zone 3 得一成zone 4，
比起上次33k 只有三成zone 3 而有六成zone 4，顯得今次好似好唔上力。
可能係上星期熱d 辛苦d，亦可能係今次真係 hea 左d，因為真係倦。
今日全程只飲左兩次水、30k 第二次上梅子林前食左一包gel。
早上出發前食左盅排骨飯做早餐，証實左食個飯先去跑對表現係有幫助。
起碼今次跑左30k 先開始肚餓。平時26k 至27k 已經無能量了。
長課做齊，近40k 都跑過，都無咩野需要擔心。
餘下既就係好好恢復，以及為自己定一個合理目標時間。
Training Result 09.02.2013 08:30
2013年2月6日 星期三
Road to Marathon 2013 - 週三練習
由上星期開始, 個人已經累積疲倦, 有d 懶.
不過高強度練習理論上只剩下三課, 點都捱埋佢.
到場後無jog 圈, 即走15k tempo, 約保持 1:45 一圈
不過高強度練習理論上只剩下三課, 點都捱埋佢.
到場後無jog 圈, 即走15k tempo, 約保持 1:45 一圈
走左1/4 就覺得無咩力, 1/3 就想去廁所, 1/2 就覺得好肚餓......
總之就係多多事幹, 好想快d 完.
甚至諗下不如只跑12k, 又或者跑返慢d..... 總之諗好多 compromise
不過一諗到如果只係15k tempo 都跑唔晒, 長三倍既全馬點頂?
於是就盡量搵方法令自己唔好諗任何有關"停"/"完" 既話題.
一邊跑一邊四維望搵野做, 又或者入定發呆.
最有效既就係計數. 例如計下其實 1:45 一圈即係咩pacing? 1:30 呢? 1:50呢?
原來咁樣計計下諗諗下, 好易又一圈, 夠一圈又會襟一襟錶分一分神.
總之用盡辦發令自己唔好諗仲有幾多仲有幾遠.
結果終於係無停無飲水無去廁所無放棄既情況下捱完37.5圈.
全程都只係正負1-2秒, 算係走得幾穩定.
而更令自己滿意既係, 今次我係首次可以全程都係走在前面,
係無跟人, 無跌速, 又無走少到既既情況下走完 15k tempo.
呢個對於如何面對寂寞無依既 42.195公里, 有重要既實習意義.
以前成日聽人講話咩野運動表現既心理質素,
我相信長跑應該係最考人心理質素既運動之一.
係三個幾四個鐘入面, 又重復, 又悶, 又寂寞, 又倦, 又餓.......
實在有太多時間可以去思考"放棄"呢個問題.
如何說服自己堅持向前而不放棄, 實在係一場個人既戰爭.
15k 後再jog 多2k, 17k 收工~
Training Result 06.02.2013 19:39
總之就係多多事幹, 好想快d 完.
甚至諗下不如只跑12k, 又或者跑返慢d..... 總之諗好多 compromise
不過一諗到如果只係15k tempo 都跑唔晒, 長三倍既全馬點頂?
於是就盡量搵方法令自己唔好諗任何有關"停"/"完" 既話題.
一邊跑一邊四維望搵野做, 又或者入定發呆.
最有效既就係計數. 例如計下其實 1:45 一圈即係咩pacing? 1:30 呢? 1:50呢?
原來咁樣計計下諗諗下, 好易又一圈, 夠一圈又會襟一襟錶分一分神.
總之用盡辦發令自己唔好諗仲有幾多仲有幾遠.
結果終於係無停無飲水無去廁所無放棄既情況下捱完37.5圈.
全程都只係正負1-2秒, 算係走得幾穩定.
而更令自己滿意既係, 今次我係首次可以全程都係走在前面,
係無跟人, 無跌速, 又無走少到既既情況下走完 15k tempo.
呢個對於如何面對寂寞無依既 42.195公里, 有重要既實習意義.
以前成日聽人講話咩野運動表現既心理質素,
我相信長跑應該係最考人心理質素既運動之一.
係三個幾四個鐘入面, 又重復, 又悶, 又寂寞, 又倦, 又餓.......
實在有太多時間可以去思考"放棄"呢個問題.
如何說服自己堅持向前而不放棄, 實在係一場個人既戰爭.
15k 後再jog 多2k, 17k 收工~
Training Result 06.02.2013 19:39
2013年2月4日 星期一
Road to Marathon 2013
倒數三星期，捱埋今個禮拜強度訓練就開始收操。
星期六長課後雙腳又緊又倦，
結果今早趁阿仔未起身先去運動場走左3k 當recovery run。
夜晚例操熱身 4k，嘗試習慣4:40/km呢個速度, 結果走 4:45/km。
之後原來program 又剛好係走4隻4k, 速度 介乎tempo 同mp 之間。
既然熱身已走一隻，走多3隻就夠數。
三隻既Pacing 都可以穩定地保持 4:20/km，大約為 1:44 左右一圈。感覺良好。
之後jog 多1.5k, 夾埋立立雜雜以及早上3k，今日共走25.8k。
今日走得太多，回家腳腕位要敷下冰，聽日最多都係慢jog 少少算。
星期六長課後雙腳又緊又倦，
結果今早趁阿仔未起身先去運動場走左3k 當recovery run。
夜晚例操熱身 4k，嘗試習慣4:40/km呢個速度, 結果走 4:45/km。
之後原來program 又剛好係走4隻4k, 速度 介乎tempo 同mp 之間。
既然熱身已走一隻，走多3隻就夠數。
三隻既Pacing 都可以穩定地保持 4:20/km，大約為 1:44 左右一圈。感覺良好。
之後jog 多1.5k, 夾埋立立雜雜以及早上3k，今日共走25.8k。
今日走得太多，回家腳腕位要敷下冰，聽日最多都係慢jog 少少算。
2013年2月2日 星期六
Road to Marathon 2013 -- 星期六長課
沙田運動場>大埔大王爺廟＞沙田運動場＞梅子林＞沙田運動場
頭20k 走 4k 慢 6k 快，keep到慢係5:00/km 左右，快係不少於target MP 4:40/km
算走得可以。之後再去梅子林無先兜去大圍果邊，少左幾k。
結果返到運動場，人人都有36至38k，我得34k。
因為無帶水無帶八達通無帶錢又無帶太陽眼鏡，總之咩都無。
只有一包大Mic 師兄開波時醒我既救命Gel。
故此全程補給克已，捱到幾耐得幾耐，盡量唔食果包Gel.
結果大王爺廟飲一次水，回程運動場前教練又送左幾啖水，
去運動廁所時又飲左幾啖，梅子林落返來又得到Sherry 師姐補給既救命凍水，感動之極。
全程34k 就係飲左呢 4次水。包Gel 呢，捱到25k 上梅子林前頂唔住心癮，都係啪左。
睇個pacing graph，自已覺得都唔多合格，
20k 後速度跌得太多又唔穩定，仲要中間入左運場，人地跑緊我就hea 左9分鐘。
上梅子林就唔好講，係食完Gel 上完再落返來之後好dd，但都係5分開外，差強人意……
要賴，就唯有賴一早食左隻糯米雞頂住，仲有就係天氣又幾熱，又曬。
三星期之後係咁就大件事…… 似乎要有多個contingency plan……
仲有下星期既終極長課，希望走好d，攞返d 信心……
Training Result 02.02.2013 08:46
頭20k 走 4k 慢 6k 快，keep到慢係5:00/km 左右，快係不少於target MP 4:40/km
算走得可以。之後再去梅子林無先兜去大圍果邊，少左幾k。
結果返到運動場，人人都有36至38k，我得34k。
因為無帶水無帶八達通無帶錢又無帶太陽眼鏡，總之咩都無。
只有一包大Mic 師兄開波時醒我既救命Gel。
故此全程補給克已，捱到幾耐得幾耐，盡量唔食果包Gel.
結果大王爺廟飲一次水，回程運動場前教練又送左幾啖水，
去運動廁所時又飲左幾啖，梅子林落返來又得到Sherry 師姐補給既救命凍水，感動之極。
全程34k 就係飲左呢 4次水。包Gel 呢，捱到25k 上梅子林前頂唔住心癮，都係啪左。
睇個pacing graph，自已覺得都唔多合格，
20k 後速度跌得太多又唔穩定，仲要中間入左運場，人地跑緊我就hea 左9分鐘。
上梅子林就唔好講，係食完Gel 上完再落返來之後好dd，但都係5分開外，差強人意……
要賴，就唯有賴一早食左隻糯米雞頂住，仲有就係天氣又幾熱，又曬。
三星期之後係咁就大件事…… 似乎要有多個contingency plan……
仲有下星期既終極長課，希望走好d，攞返d 信心……
Training Result 02.02.2013 08:46
訂閱：
文章 (Atom)