因為病, 湊仔, 私務...... 總總可抗力以及不可抗力的影響下.
接連幾星期都缺乏練跑，情緒同個人形象都低落到極........
以往, 我一星期大概跑 四日,
近兩星期只能跑一日至兩日, 令人不安.
尤其是當你個Facebook 加左一眾跑友做友好,
每當大家跑完一課, 都會張貼戰績於Facebook Wall 上.
結果每日一打開Facebook, 唔係呢個走完山, 就係果個自隊完 20k,
令我好生慚愧, 陪感壓力.
週日的起心肝, 重拾去年夜跑習慣, 跑返青衣10k 細圈.
我既經驗係: 只要能夠盡快出門口, 落到街, 就會跑.
為左令自己更快捷地出門, 是夜並無更換跑衫,
剛好下午出街時, 是穿著一條普通3/4 track 褲, 一件普通綿Tee,
決定就這套裝束, 加上新買既的白色 Spacer AR3, 跑出去開鞋去~
猶記得最初練跑, 我是喜歡一人夜晚跑街的, 因為夠靜, 可以一個人諗下野.
及後轉為晨早跑 Track, 就鐘意見到一大班晨運客, 感覺比較有朝氣~
現在轉回晚上跑街, 就顯得有點寂寞.
因為唔想令自己覺得太孤寂,
是夜決定破天荒帶埋手機 Headphone, 邊跑邊聽Podcast.
因為目標只係完成, 不計速度, 希望有個開始, 於是就隨心跑吧.
頭5k 自己比較注意用髖關節帶動抬腿, 好像有點領會.
5k 後感覺到屁股位置痠痠的, 自以為是的覺得是用對力了.
可惜因為褲子太長, 阻礙提腿, 下回換條短褲再研究.
5k 後上斜, 熱得要除去上衣, 狀態差得要跑下停下, 慘不忍睹.
比起去年, 自身條件應該是比較好,
因為近來加強練習緣故, 至少上半身以及core 都練得較扎實.
可是耐力方面就要重新適應習慣. 而擺手時上半身比較緊.
勉勉強強的完成了10k, 開了個頭, 感覺不太難嘛~
往後每週自隊兩次就好......
又, 邊跑步邊聽歌/podcast 還是不太適合我, 專心跑步好了.
沒有留言:
張貼留言