三公里測試

好耐之前已經聽聞, 跑會每年有一個3公里測試.
場內大家盡力跑7.5 個圈, 用以測試體能及調節訓練.

我從未走過 3公里. 基本上唔知應該用什麼速度跑.

用十公里時間上網作估算,
大概應該係用 1:28 - 1:30 一圈, 即係全程 11分鐘左右.

於是, 基本目標定為 1:30 一圈, 最理想目標定為3公里11分內完成.

之前一晚夜訓, 當日又要晨早六點起身去拜山, 未跑都已經好攰好眼訓.
決定將目標下調. 11分內是沒太大可能, 盡量保持到1:30 一圈直至完成就好.

狀態不佳, 自己就沒有太大動力.
想維持高速完成, 最好就係搵個人跟下.
場內見到同組跑友 Calvin, 佢跑得比我快, 於是我就走去同佢講:

"唏~ 今日我唔係好掂, 好攰, 我一於跟你尾跑啦~ "
"好呀~ 咁不如我地今日走 1:25 一圈啦~"
"................."
"咁.....呀.......走1:25-1:30 啦~俾個目標自己嘛~"

就這樣, 我們上線起步.

頭半圈剛起步比較快, 只用 41',
回到終點線教練不斷叫收慢一點.
第二圈收慢至 1:32, 其間我與Calvin 以及同組跑得最快的烈保持前列平排.
第三圈, 烈開始抽頭帶出, 而我仍緊隨 Calvin 其後. 圈速 1:29
第四圈我仍然能保持不被拉開太多, 圈速 1:28
第五圈, 開始被Calvin 拉開了, 圈速下降至 1:31

我開始覺得我睇小左呢個3公里測試.
雖然距離不長, 但用全力最高均速跑, 仍然是非常辛苦的.
腦中開始想放慢, 甚至唔想跑, 同時又泛起因速度過高而中途跑爆的恐懼........
不過眾目睽睽下跑爆就實在太樣衰, 點都要頂埋佢.

第六圈, 同烈已有近200m 差距, 同Calvin 有 30m 吧, 速度進一步下降至1:32
第七圈, 見到 Calvin 加速, 鼓其餘勇, 只望唔好距離太遠而又能靚仔地完成, 圈速1:30.

結果衝線後仍能站直, 3公里測試, 以 11:12 完成~
Calvin 比我快大約 5-60m~ 阿烈則足足快我二百幾米........

及後做左兩組體能, 之後仲衝左3轉樓梯.
玩完腳都震晒.......返屋企沖涼時仲震緊.......

Training Result 01.05.2013 17:29